سوق 6

    شاطر

    بت نورين

    عدد الرسائل : 44
    السكن : الحاج يوسف الردمية مربع 16 محطة جهاد
    مكان الاقامة : السودان
    تاريخ التسجيل : 08/11/2007

    سوق 6

    مُساهمة من طرف بت نورين في الثلاثاء 13 نوفمبر - 15:00

    سوق 6 من الاسواق التى نالت شهرة عظيمة فى السودان - مقره بالحاج يوسف الوحدة - يمتاز هذا السوق بتلاقح ثقافى قل ان يوجد له مثيل - تتوفر به جميع السلع والبضائع . ويعتبر مركزا تجاريا هاما وسوقا قوميا حيث نجد به جميع المنتجات الولائية التى لا تتوفر فى بقية الاسواق ( مثل الكول والمرس الذى يشتهر به غرب السودان والكجيك الغذاء الرئيسى للجنوب وكذلك البفرا والكثير من السلع الاخرى .

    ورغما عن ان السوق يعمل بصورة يومية الا ان سوق الجمعة له مذاق خاص حيث يكثر مرتادى السوق فى هذا اليوم ويكون اشبه بالمهرجان , حتى ان الفرد يلاحظ ان معظم الشباب يذهبون الى السوق فى هذا اليوم حتى ان لم يكن ينوون الشراء بغرض الفرجة وملاحظة الاسعار فهناك سوق الاثاثات الخشبية من دواليب وترابيز وأسرة وفترينات لللاوانى المنزلية وبجانبه المنتجات الحديدية كالكراسي واسرة الحديد وهناك سوق الملابس وآخر للاوانى المنزلية بجانب سوق اللحم والخضروات والفاكهة وكذلك توجد للشتول والمزهريات مساحة . وهناك صالونات على الهواء الطلق للحلاقة حيث يكثر عدد الحلاقين على امتداد السوق فى مساحة معينة للحلاقة . وهناك ساحة للفنون الشعبية حيث تقدم بعض الفرق الشعبية رقصاتها فى هذا اليوم كما ان ممارسة رياضة المصارعة ثابتة فى هذا اليوم ويؤمها عدد كبير من الناس الذين يأتون من اماكن بعيدة لمشاهدة هذه الرياضة الممتعة .....
    هذه قطرة من محيط هذا السوق واتمنى من كل زائر للسودان او المغتربين عن الوطن ان يحرصوا على زيارة هذا السوق وفى الجمعة بالذات
    avatar
    ام مؤيد

    عدد الرسائل : 49
    تاريخ التسجيل : 25/10/2007

    رد: سوق 6

    مُساهمة من طرف ام مؤيد في الأربعاء 14 نوفمبر - 21:29

    مساء الخير ياناس المنتدى ...

    ولك كل الود يابت نورين والله عن جد منورانا وكلك نشاط وحيويه ..
    حبينا طريقه تناولك للمواضيع واسلوبك فى الكتابه ...
    والملاحظ حبك للحاج يوسف فى سردك الممتع عن سوق 6وبقيه العقد الفريد من الاحياء




    وتانى مشكوره على البوست الجميل .....

    ولك كل الحب ...

    ام مؤيد...

    بت نورين

    عدد الرسائل : 44
    السكن : الحاج يوسف الردمية مربع 16 محطة جهاد
    مكان الاقامة : السودان
    تاريخ التسجيل : 08/11/2007

    رد: سوق 6

    مُساهمة من طرف بت نورين في الخميس 15 نوفمبر - 14:11

    صباح الخير يا ام مؤيد . وتشكرى على الكلام الرقيق وكلك ذوق .

    والله الواحد ما قادر يوصف شعوروا بانه لقى المنتدى الجميل دة ويكفى انه يحمل اسم الحاج يوسف ونتمنى انه نقدر نقدم فيه حاجة مفيدة .
    ( وسلامات يا ناس يا رائعين)
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 42
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    رد: سوق 6

    مُساهمة من طرف الفاتح أبو شوشة في الإثنين 10 ديسمبر - 23:32

    سوق 6
    أشهر أسامية:


    1. سوق 6 ـ نسبة للمربع الذي يوجد بة .
    2. سوق الوحدة ـ نسبة للحي الذي يوجد بة.
    3. ( زمان كان يسمى ) سوق الحرامية ـ نسبة للمعروضات التي تعرض بة)
    4. سوق الجمعة ـ نسبة للمعروضات الكبيرة التي تعرض بة يوم الجمعة.
    وهو الآن من أكبر الأسواق بكامل منطقة بحري وشرق النيل ،،، وقد انفتح الناس علية في أواخر الثمانينات حيث كان حكر على مجموعة واحدة من القبائل قبل ذلك وكانوا يرفضون تأجير المحال لغيرهم ،،، ولنظرتهم التجارية تغييرت آرائهم وبداوا يستقبولن جميع سكان المنطقة والتعام لمع جميع التجار.
    وقد أدي انتعاش الحركة التجارية به لكساد وأغلاق كل الاسواق الصغيرة بالاحياء سواء بالوحدة أو الامتدادات أو المايقومات أو الشقلة
    وأشهر أيام السوق يوم الجمعة الذي يسموى عند أهل المنطقة بالدلالة أو يوم الحشر لتجمع أغلب سكان منطقة الحاج يوسف بالسوق في هذا اليوم،،، وأجمل مناظرة سكان الامتداد والمايقوما وهم يركبون الرقشات وتاكسي الغرام ( الكارو يا المغتربين ) ورجالا ووحدانا وهم يتوجهون صوب السوق صباح الجمعة كلٍ لمبتغاة
    تاجر سابق بالسوق ــ ساكن سابق بجوار السوق
    يا حليل أيام زمان

    بت نورين

    عدد الرسائل : 44
    السكن : الحاج يوسف الردمية مربع 16 محطة جهاد
    مكان الاقامة : السودان
    تاريخ التسجيل : 08/11/2007

    رد: سوق 6

    مُساهمة من طرف بت نورين في الأربعاء 12 ديسمبر - 15:08

    ابوشوشة مرحبتين - احنا طبعا الفترة اللى كان فيها السوق اسمه سوق الحرامية دى ما عايشناها لكن ما معناه انه المعروض كله مسروق ودى تذكرة عشان ما يجى زول يحتج على تعميم الاسم هى التسمية يخيل لى جاية من انه لكبر السوق وانفتاحه لكل شخص كان يجد فيها اللصوص فرصة لعرض مسروقاتهم والطريف انه بيقال لمن سرق منه شى ان يذهب للسوق فلعله يجد حاجته معروضة .

    لكن اليوم السوق اتغير كتير جدا ودكاكينه اصبحت ذى دكاكين سعد قشرة( دة طبعا بتاع الناس الهاى) فى المعروض من السلع والفارق الاسعار فى سوق 6 معقولة ومناسبة لكل الناس - والله انا يخيل لى بعد شوية المغتربين حا يخلوا رسيل الملابس ويجى يشتروها من سوق 6 . بعدين غير الحتة بتاعت التسوق هى اصبحت نوع من الترويح وما عارفين السحر شنو اللى بيجذب الناس لسوق الجمعة بالذات .
    وفتناكم بعافية

    حسن اوبه

    عدد الرسائل : 61
    السكن : الحاج يوسف , مربع 16
    مكان الاقامة : الامارات
    تاريخ التسجيل : 13/11/2007

    سوق ستة

    مُساهمة من طرف حسن اوبه في الأربعاء 12 ديسمبر - 15:47

    يا سلااااااااااااااااام والله زمن ........

    تعرفي يا بت نورين سوق ستة ده كان برنامج ثابت عندنا سواء كنا عايزين نشتري ولا لا المهم الواحد لازم يوم الجمعة يمشي سوق ستة من الصباح واهم حاجة ( ام جنقر) تضرب ليك كورية كوريتين ام جنقر بعد داك تشوف الحاصل في السوق شنو .. يعني الواحد مرات كان بيعمل فيها تاجر ( طبعا تاجر تعبان ) وسوق ستة معلم بارز فعلا بل واحد اهم المعالم في مدينة الحاج يوسف ومشكووووووورة علي الموضوع الجميل .

    بت نورين

    عدد الرسائل : 44
    السكن : الحاج يوسف الردمية مربع 16 محطة جهاد
    مكان الاقامة : السودان
    تاريخ التسجيل : 08/11/2007

    رد: سوق 6

    مُساهمة من طرف بت نورين في الأربعاء 12 ديسمبر - 16:11

    تشكر يا اوبة - وبمناسبة ام جنقر دى اهى دى واحدة من حاجات التلاقح الثقافى القلناها طبعا ده مشروب خاص بناس الغرب وما كان الناس كلها بتعرفوا لكن اليوم اصبح معروف لكل الناس ومرغوب بشدة - وللما بعرفوه ام جنقر نوع من النشا ثقيل القوام بيصنع من الدخن وبيضاف ليه الروب (الزبادى) او العرديب ويحلى بالسكر. وطعمه دة اساله منه ناس حسن اوبه .
    بالمناسبة يا اوبة والله نحن معشر النساء سوق الجمعة دة كويس معانا شديد طبعا انت عارف حكاية انه الاولاد يكونوا قاعدين فى البيت يوم الجمعة من الصباح دى بتتعبنا شديد من ناحية بتاعت نظافة وتجهيز اكل وخلافه - عشان كدة بنلقاهم بعد ما يشربوا الشاى طوالى بمشوا السوق وما يرجعوا ليك الا المساء يعنى لا دوشة لا جوطة ومعذرة على هذا .
    بعدين الحركة التجارية الفى السوق منتعشة بصورة خيالية تصدق انا لما بمشى والقى ليك النسوان البيبيعوا الطعمية والبليلة العدسى وحركة الناس البشتروا الحكاية دى بتستفزنى شديد وتخلينى ابغر وازعل من مقيلنا بتاع المكاتب واخر الشهر ناخد ليك مرتب ينتهى من يوم 5 والليل دة كلوا اقعد افكر واقول هسي الواحد لو نزل السوق دة مالو؟
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 42
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    رد: سوق 6

    مُساهمة من طرف الفاتح أبو شوشة في الأربعاء 12 ديسمبر - 21:45

    [size=24]
    سلام عروب سلام لبت نورين
    وسلام خاص لكل الاصحاب في مربع 16 / محطة جهاد سابقاً ـ سلام حالياً
    لية كبرتيني وقلتي انك ما حضرتي لمن سوق الوحدة كان أسمو سوق الحرامية ،، وهو إلى الان يوم الجمعة العديد من الاغراض التي تباع فيه تكون مصدرها السرقات التي يأخذها أصحابنا اللصوص الكرام الذين يزورون سكان مربع 16 جماعة محطة جهاد ويأخذون منهم ما خف وما ثقل حملة ـ ويذهبون به صباح الجمعة لسوق الوحدة ( الدلالة ) وناس مربع 16 المساكين يذهبون للسوق للفرجة على ما سرق منهم ،،، والخوف أن يقوموا بشراء مسروقاتهم مرة أخرى
    يابت نورين : أختاري الاجابة الصحيحة من الاتي أناة:
    ذهابك لسوق الوحدة للأتي:


    1. شرب أم جنقر
    2. شراء وأكل الجراد.
    3. الشراء من جماعة قدر ظروفك
    4. شراء المسرقات بتاعت ناس مربع 16 واعادتها لهم مرة أخرى
    خلي روحك رياضية ،،،، ودي شوية زعلة من جماعة مربع 2 المجاورين للسوق ،،،،
    والنصر للهلال

    بت نورين

    عدد الرسائل : 44
    السكن : الحاج يوسف الردمية مربع 16 محطة جهاد
    مكان الاقامة : السودان
    تاريخ التسجيل : 08/11/2007

    رد: سوق 6

    مُساهمة من طرف بت نورين في الخميس 13 ديسمبر - 13:51

    ابوشوشة - صباح الخير
    انت ليه مصر على تسمية السوق بسوق الحرامية نحن مادايرين نصبغ عليه الصفه السالبة دى وانا ما نكرتها لو رجعت لى كلامى انا قلت انه فى جزئية صغيره من المسروقات اللى بتعرض لكن ما الغالب . بعدين الكبر عيب يعنى انت عايز تكنكش فى الصغرة دى لمتين ما دى سنة الحياة وخليك (سبرايت) وخلى روحك (رياضية) .
    خيرتنى بين الاجابات التلات ام جنقر دى ما واردة طبعا لانى ما حصل شفت نساء بشربوها فى السوق الا تكون دى جديدة - بعدين قدر ظروفك دى فى كل مربع فى اكتر من محل ليها يعنى ما بتحتاج تهاجر ليها لسوق ستة - اما بخصوص شراء معروضات ناس مربع 16 اللى بسرقوها الحرامية فالحمدلله السرقات دى قلت بصورة كبيرة وانشاء الله تختفى تماما .
    يا ريت لو تسحب كلمة سوق الحرامية دى يا ابوشوشة نحن بنوثق والناس كلها شيايفانا على الفضاء دة .
    ملحوظة : ( ابوشوشة بينى وبينك كدة انت اتلدغت من الحرامية ديل ولا الحاصل شنو؟؟؟؟؟؟
    وسلالالالالالالالالالالالالالالام
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 42
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    رد: سوق 6

    مُساهمة من طرف الفاتح أبو شوشة في السبت 15 ديسمبر - 23:15

    آخــــــــر خبـــريـــــــة

    سمعت شمار جديد لسة نازل السوق ـ موديل 2008 أن سوق 6 حيحولوة لمجمع تجاري ـ وحيكون أسموا الجديد ( الوحدة مول ) ،،، وطبعاً بدل الاقسام القديمة للسوق ، وهي ( الدلالة ـ سوق العجائز ـ ستات الشاي ـ سوق الخضار ـ الحدادين والحلاقين وغيرهم من أهل المهن ) سوف يتم تقسيمة كالاتي:
    الوحدة مول ـ مجمع تجاري راقي يتكون من 6 طوابق ـ ومن أقسامة ومعارضة :

    1. الطابقان السفليات تحت الأرض ـ مواقف للسيارات.
    2. الطابق الأرضي ـ هيبر ماركت أبو شوشة.
    3. الطابق الأول ـ معارض فاخرة لجميع الوكالات العالمية النسائية .
    4. الطابق الثاني ـ الماركات العالمية الرجالي والولادي .
    5. الطابق الثالث ـ صالة للتزلج وملاهي للأطفال.
    6. الطابق الرابع ـ صالة المطاعم الفاخرة ( كنتاكي ـ ما كدونا لدز ـ برجر كنج ـ بابا هباس ) والكوفي شوب مع تقديم خدمة الانترنت المجانية .
    7. الطابق الخامس ـ صالة نسائية خاصة للتجميل والتخسيس .
    8. الطابق السادس ـ صالة للحفلات الخاصة لاهل كرتون بارونا وكرتون كسلا .

    المشاريع المساندة : بجوار السوق عدد 6 فنادق عالمية 7 نجوم و50 شقق فندقية فاخرة.
    تنبية هام جداً: يمنع نهائياً لجماعة مربع 16 ومربع 9 وشارع الكلس الدخول أو الاقتراب من ( الوحدة مول )

    ابونبيل

    عدد الرسائل : 11
    السكن : الحاج يوسف الوحده مربع (8)جوار المنظمه
    مكان الاقامة : الامارات - الشارقه
    تاريخ التسجيل : 05/11/2007

    رد: سوق 6

    مُساهمة من طرف ابونبيل في الأحد 23 ديسمبر - 22:53

    بعد التحيه والاحترام اقول ليكم كل سنه والجميع بالف خير وربنا يجمعنا قرينا فى سوق سته ان شاء الله والله الواحد مشتاق كتير للسوق والشلليات
    نسيتى حاجه هامه فى سوق سته ويوم الجمعه بالاخص هناك ساحه للمصارعه الحره على الطبيعه وحاجه جميله جدا بس يمكن تكون هى رجاليه اكثر
    يعنى الحضور النسائى قليل واحيك مره اخر ى بالنسبه للموضوع
    كل عام وانتم بالف خير

    بت نورين

    عدد الرسائل : 44
    السكن : الحاج يوسف الردمية مربع 16 محطة جهاد
    مكان الاقامة : السودان
    تاريخ التسجيل : 08/11/2007

    رد: سوق 6

    مُساهمة من طرف بت نورين في الأربعاء 2 يناير - 15:32

    ابو نبيل - كل سنة وانت طيب وربنا يجمعكم وتزور سوق ستة انشاء الله فى القريب العاجل

    بالمناسبة انا ما نسيت حكاية المصارعة وذكرتها فى نهاية الموضوع ولو رجعت حا تلقاها موجودة
    وتشكر يا ابونبيل على اطراءك الجميل
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 42
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    وينك يا بت نورين

    مُساهمة من طرف الفاتح أبو شوشة في الأربعاء 2 يناير - 16:06

    حمد الله على السلامة يا بت نورين
    شوقنا ليك زي شوق سوق 6 للزحمة البتجيب الزبائن والرحمة ،،،، شوقنا ليك زي شوقنا لكرتون كسلا ،،،، شوقنا ليك زي شوقنا لكرتون بارونا و عصائرة الطبيعية ( ....... )
    بغيابك افتقدنا سوق 6 البدونك بقى سوق 4 ـ وطبعاً سالنا عن اختفائك ،،، ووضعنا الاحتمالات التالية:
    1. بنت نورين أكلت لحمة الضحية المليانة بالحمي النزفية ،، ولحقت عشة بت زينب.
    2. بت نوريت حصلت شغل جديد وعملت طبلية في سوق 6
    3. بت نورين دخلت ( الغابة ) كرتون كسلا واتمردت عشان الحكومة تفاوضها وترجع تبقى والي للحاج يوسف.
    4. بت نورين أرسلوها جماعة الكفوة عشان تجيب ليهم المحترفين والمدرب الجديد.

    وما تغيبي تاني.

    بت نورين

    عدد الرسائل : 44
    السكن : الحاج يوسف الردمية مربع 16 محطة جهاد
    مكان الاقامة : السودان
    تاريخ التسجيل : 08/11/2007

    رد: سوق 6

    مُساهمة من طرف بت نورين في الأربعاء 2 يناير - 16:13

    ابوشوشة مرحبتين

    نحن طبعا من انصار سوق 6 القديم بشحمه ولحمه مع بعض التعديلات البتحفظ شكله المتعارف عليه
    يعنى الشمار اللى انت جبته بتاع الوحدة مول دة شمار رجعه لمحله الجبتو منو - وبعدين هو السمح ليكم منو بتأسيسوا لمن تبعدوا منه ناس 16 و9 والكلس ؟
    اها الكلس وعرفنا مشكلتك معاهم ناس 16 مالك مدرجهم فى ( محور الشر ) بتاعك
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 42
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    رد: سوق 6

    مُساهمة من طرف الفاتح أبو شوشة في الأربعاء 2 يناير - 16:30

    بت نورين
    طبعاً بقينا دولة بترولية ـــ والكل بتهافت علينا ـ وسوق الوحدة أكيد حيصير الوحدة مول
    * الجماعة البياعين الـ........... كلهم الان مستقدمين من ماليزيا واندونيسيا وبعض المصريين كمان ،،، وأكيد عمال النظافة بنغال وعمان.
    * وبدل بيع الجراد المول حيبيع الكبة اللبنانية.
    * وبدل مصارعة الجماعة أكيد حنعمل حلبة دولية ونستورد ( جون سينا و البيق شو و المستيري ).
    * وبدل ستات الشاي أكيد حنعمل كوفي شوبات وأهم شيء البقدمو الكوفي يكونوا لبنانيات ( شو بدك و على عيني ).
    * والفاتح أب شوشة كفيل كبير تحت كفالتو ( 16 سعودي ـ و20 إماراتي و الباقي مصريين )
    ــــــــــــــــــــــــــــــــ
    ولينا عودة لمربع 16 وجماعتو

    بت نورين

    عدد الرسائل : 44
    السكن : الحاج يوسف الردمية مربع 16 محطة جهاد
    مكان الاقامة : السودان
    تاريخ التسجيل : 08/11/2007

    رد: سوق 6

    مُساهمة من طرف بت نورين في الأربعاء 2 يناير - 16:50

    [size=18]طيب انت عديل قول المشروع اسمه ابوشوشة مول وبكدى انحنا كان اتعدينا حدودنا نكون غلطانين - لكن طالما هو سوق 6 وداير تستبدلوا بالوحدة مول نحن بنرفضوا جملة وتفصيلا -

    لكن انت اعمل شوشة مول دة بالمواصفات اللى انت ذكرتها وجيب اللبنانيات وى جنس جديد عاجبك لكن نحن سوق 6 صناعة سودانية خالصة وما دايرين اى كراع اجنبية فيهو - خلينا اى مكان خلاص دايرين تقبلوا على سوق 6 .
    والله يا ابوشوشة انا حاسة انه موضوعى دة جذبك وعجبك عشان كدة داير تستغل الحتة دى وتحولوا لمول .
    عشان كدة يا ابومؤيد قول لى شوشة شيل يدك من سوق 6=blue]]
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 42
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    رد: سوق 6

    مُساهمة من طرف الفاتح أبو شوشة في الخميس 3 يناير - 14:32

    في سابقة تعد الأولى من نوعها ، افتتح في شرق الصين مقهي جديد ، يتيح لرواده التعبير عن حزنهم بالبكاء، مع تقديم أفضل المشروبات للزبائن الذين يأتون للبكاء. ويوفر المقهي للزبائن ، المناديل وزيت النعناع لتخفيف آلامهم، كما يقدم البصل والفلفل الأحمر لمساعدة الذين يرغبون في ذرف الدموع . وتعزف المقهي الموسيقي الحزينة تجاوباً مع مشاعر الرواد ، ولإضفاء جو من الحزن علي المكان، ويذكر أنه حقق نجاحاً كبيراً منذ إنشائه، ويجتذب أعداداً كبيرة من الزوار والمكتئبين يومياً ..
    ــــــــــــــــــــــــــــــــــــ
    بت نورين : أها جبت ليك مشروع جاهز وعاوز اشاركك فيه عشان نفتح فرع في سوق الوحدة ـ وأكيد فكرتنا السارقنها حتكون مبتكرة ـ وحتلقى رواج شديد والزبائن وطلباتهم ما حنلحق عليها ،،، تعرفي المقهي حيمتليء زبائن لية:
    1. عشان كل واحد يجي يبكي حالو المائل.
    2 . عشان الزوج لمن المرأة تكرهوا حياتو بالنقة وما يلقى حل معاها ،،، يجي يبكي عندنا.
    3. عشان الراجل لمن أولادة يزعجوة بالطلبات الكثيرة ،،، وما يحصل فلوس يجي يبكي عندنا.
    4. عشان جماعة الكفوة ود الخبير وود الخطيب وود الردمية وود سم سم وباقي الودات يجوا يبكوا عندنا بعد كاس الممتاز السادس على التوالي يطير منهم.
    * وطبعاً الارباح النص بالنص و مشاريب كل أهل الكفوة على حسابي أنا ـ عشان ما تبقى عليهم ميتة وخراب ديار.
    وفي إنتظار موافقتك !!!!

    بت نورين

    عدد الرسائل : 44
    السكن : الحاج يوسف الردمية مربع 16 محطة جهاد
    مكان الاقامة : السودان
    تاريخ التسجيل : 08/11/2007

    رد: سوق 6

    مُساهمة من طرف بت نورين في الخميس 3 يناير - 18:23

    ابوشوشة - دى آخر تقليعاتك فبى بداية 2008م . انا البخلينى شنو ادخل فى مشروع ذى دة كلو حزن فى حزن وشى دموع وبصل وفلفل احمر شايف على شنو . انا الحمدلله لا نكدية لا نقاقة - بعدين انتو الصرف وطلبيات الوليدات الخايفين منها دى وكت ما قدرها الدخلكم شنو من البداية . والغريبة بتقول لى فكرتنا السارقنها- هاها ها ها ها ها !!!!!!!!!!!!!!! السارقها منه والله براك يا اخوى ما تجرنى معاك اتاريك ليك حق فى تسمية سوق 6 بسوق الحرامية اظهر وبان لكن والله وقعت وما سميت .

    وبالله شوف لى مشروع يفتح النفس شوفنى اكان خذلتك فيه
    وسلامات
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 42
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    رد: سوق 6

    مُساهمة من طرف الفاتح أبو شوشة في الخميس 3 يناير - 19:03

    مشروع رقم 2
    مشروع تجهيز وتغليف الجراد:
    بعد أمراض الخرفان والفراخ الأخيرة بقت الحيوانات والطيور بتودي الواحد في 60 داهية ،،، وطبعاً بعد ما درست السوق جيد واستشرت ( بدرية الاستثمارية ) ، جاتني فكرة استثمارية رهيبة وهي شراء الجراد المعروض بسوق الوحدة وإعادة تصنيعة وتدويرة وتغليفة وبيعه على الجمهور... وطبعاً حنسمي المنتج كالاتي ( جرادكو )
    وأنا على الاتي :
    1. تأسيس الشركة.
    2. استخراج التصاريح بتاعت وزارة الصحة والخارجية والأمم المتحدة والقوات الدولية عفواً ( الهجين ).
    3. الدعاية والإعلان للمنتج الجديد ، الدعاية لازم باستائل جديد ، وافضل نستعين بهيفاء وهبي ، وفي الدعاية تكون وسط أكيا س وهي بتاكل بنهم تلذذ وغنج وتقول بتدلال ( جرادكو لك ولأولادك ـ صحي ولذيذ ومقرقش ـ مغذي ومنعش ومنشط ـ خالي من الدهون ـ قليل السعرات الحرارية ـ لو تحب هيفاء خذلك جرادكو ـ ومالك إلا هيفاء ـ وبوس الواوا ) وممكن نستعين بشعبولا كمان وأييييييييييييييية.
    4. الإعلان يكون مبتكر ويبث في تلفزيون الشروق و m b c والجزيرة .
    5. طبعاً الماركة حتبقى مسجلة.

    وبعد التصنيع أنت عليك التوزيع ، وما تقصري مع ناسكم في مربع 16 وناس الكلس كمان الإنتاج للثلاث أيام الأولى يتوزع عليهم مجاني.
    *** وأهم حاجة نفتح فرع في استاد الكفوة عشان نبيع للاعيبة والجمهور كمان ـ عشان يصبرهم شوية على البهدلة الهم فيها،،، واحتمال ييقوا شعار ليهم ،، ( استاد جرادكو ـ ـ فريق جرادكو للجراد المحمول جواً )
    وما قصرت معاك ـ ـ ودخلتك شريكة معاي ، ودي آخر فرصة ليك.

    بت نورين

    عدد الرسائل : 44
    السكن : الحاج يوسف الردمية مربع 16 محطة جهاد
    مكان الاقامة : السودان
    تاريخ التسجيل : 08/11/2007

    رد: سوق 6

    مُساهمة من طرف بت نورين في السبت 5 يناير - 15:04

    ابوشوشة - صبحك الله بالخير
    مشروع تغليف وتوزيع الجراد - ما عندى فيهوا مانع الا انت اتولى توزيعه وطبعا لازم تصدروا لانه محليا مكتفين منه ونحن عايزين عملة صعبة - وبالمناسبة الجراد دة صحى جدا ومفيد خاصة اليومين دى مع الحمى النزفية ينفع بديل للحوم - بعدين ركز لينا على الاسواق الاسيوية وخلينا من ناس هيفاء وهبي ديل ادخرهم لمشروع تانى غير الجراد .
    اما انا فمهمتى التواصل مع المنتجين الاصليين للجراد وأخذ انتاجهم يعنى الانتاج حصريا على ( جرادكو )
    رايك شنو ؟؟؟؟؟؟؟؟؟
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 42
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    رد: سوق 6

    مُساهمة من طرف الفاتح أبو شوشة في السبت 5 يناير - 16:26

    العزيزة ود نورين
    معذرة بت نورين ـ اتلخبط من كثرة ما بنكتب ود الردمية وود الخطيب ود المايقوما ود الخبير وود سم سم ،،، والعتبى لكِ ،،، وانتى الساس وأنتى الرأس وأنتى ست الناس ـ وست البلد وست أهل الكفوة كلهم.
    أمس وأنا كعادتي وأنا بشرب القهوة جاتني فكرة تاني بس دي أقوى من أفكار بدرية الاستثمارية ،،، وهي تحويل ( أم جنغر ) لمشروب فريش ، يعني ننافس البيبسي والكوكا كولا وأولاد البرير ،،،،
    وطبعاً من فوائد أم جنغر ، حسب مركز الفحص في جنوب أفريقيا:
    1. تكافح الملاريا.
    2. بها فيتامينات أ. ب. سي. دي. أي. جي. بي أم دبليو. جي أم سي.
    3. وجبة متكاملة ـ يعني حتوفر للشعب السوداني قيمة وجبة .
    4. منشطة ـ وأكيد حيستفيد منها لاعبينا في غانا ـ واتحدي أي لجنة اولمبية تكتشف نوع المنشطات الفيها.
    وحيكون الاسم الجديد جنغر كولا ـ وطبعاً كدا حنكون شجعنا الصناعة الوطنية ـ وشوفي الفائدة لمن يكون مشروب محلي يتوزع بطريقة جيدة ـ وأكيد حنستلم نجمه الانجاز من الرئيس في عيد الاستقلال القادم عشان شجعنا الصناعة الوطنية.
    ومن الان عندى عقد توزيع للقوات الدولية في دارفور والجنوب يعني ( 36.000 ) جندي زبائن جاهزين عندنا .
    وبرضوا أكيد انتى شريكتي ـ شريكة حقيقية ما زي شراكة الجماعة،،، يتشاركوا وبعدين يجمدوا الوزراء عشان ما بشاوروهم.

    بت نورين

    عدد الرسائل : 44
    السكن : الحاج يوسف الردمية مربع 16 محطة جهاد
    مكان الاقامة : السودان
    تاريخ التسجيل : 08/11/2007

    رد: سوق 6

    مُساهمة من طرف بت نورين في السبت 5 يناير - 17:17

    ابوشوشة عينا باردة عليك -بعد ما كنت من زهاجة سوق 6 وشتيمتك ليهوا بسوق الحرامية ، بقيت سيده عديل كدة- لكن يا اخوى ما تاكلنى حنك بي حكاية الشراكة دى وبالله احفظ لى حقوق الطبع .
    والله ما شاء الله شايفة مشاريعك كلها موادها الخام من سوق 6 شى ام جنقر والقنقليس والدوم والتمر ( وجنى الكول - ياربي دة بتعرفوا) .
    خطوة خطوة - يا ابوشوشة نسير - بعد ام جنقر نقبل على بت ( قضيم ) رأيك شنو؟؟؟؟؟؟؟؟؟؟؟

    بت نورين

    عدد الرسائل : 44
    السكن : الحاج يوسف الردمية مربع 16 محطة جهاد
    مكان الاقامة : السودان
    تاريخ التسجيل : 08/11/2007

    رد: سوق 6

    مُساهمة من طرف بت نورين في السبت 5 يناير - 17:53

    ود الردمية وود الخطيب ود المايقوما ود الخبير وود سم سم - الاخوة المعنيين صاحبكم ابوشوشة كاتبنى ود نورين مع سبق الاصرار والترصد وبيتعلل انه من كترة ما بكتب ليكم حسبنى معاكم والغريبة انه ما كلف نفسه يصحح الحاجة دى وبيقول لى لك العتبي حتى ترضى ، والله انا البرضينى دة الا اشاور فيه اخر واحدة جابوا فيها اخت رضوها بي شنو .
    والله يا اخوانا انا ابوشوشة ده قدر ما اقول الزول دة خلاص اتصالح معاى واقرر انى ابقى معاه كويسة الاقى ليك تانى مهيجنى .
    يا اخوانا كدى انصحونى الزول دة اعمل ليهوا شنو ؟
    غايتوا انا شايفة الا اجيب لى واحدة معاى- فى المنتدى دة تنجضوا ليكم نجاض يقطع الحمى النزفية من جذورها رايكم شنو؟؟؟؟؟؟؟؟؟؟؟
    ملحوظة ( ام مؤيد ما بقدر يطول لسانو عليها لانو ابومؤيد قاعد)
    avatar
    ودالخطيب
    عضو مشارك
    عضو مشارك

    عدد الرسائل : 82
    السكن : مربع 9
    مكان الاقامة : السعودية
    تاريخ التسجيل : 05/11/2007

    رد: سوق 6

    مُساهمة من طرف ودالخطيب في السبت 5 يناير - 18:28

    الغالية بت نورين اول حمدلله على السلامة
    وكل سنة وانتى طيبة
    شوشة دا ما بخليك فى حالك الا تمرقى عديل
    من سوق ستة . (نفسى اعرف جنى الكول دا)
    بعدين نحنا قاعدين كلنا ليك زى ابو مؤيد

    [code][b]

    بت نورين

    عدد الرسائل : 44
    السكن : الحاج يوسف الردمية مربع 16 محطة جهاد
    مكان الاقامة : السودان
    تاريخ التسجيل : 08/11/2007

    رد: سوق 6

    مُساهمة من طرف بت نورين في السبت 5 يناير - 19:41

    ود الخطيب تسلم يا اخو البنات وربنا يمتعك بالصحة والعافية .
    غايتو انا ما بمرق من سوق ستة دة بعدين هو شوشة ما كان بيشنف فيهوا وسماه سوق الحرامية - الجد شنو فيهوا؟ وشايفاه اليومين دى بيحاول يستثمرهناك شى وحدة مول وشى جرادكو وام جنقر كولا والمشاريع بتتوالى - الحكاية وقعت لى فى راسو . عشان كدة ما بديه اى طريقة يزحزحنى منه .
    وبالنسبة( لجنى الكول) اصبر على شوية يمكن شوشة يعرف حاجة ويكلمك انا ما دايرة استعجل، المرة الفاتت لما كلمتكم بالتسمية الجديدة لكرتون كسلا وبارونا طلعنى عمرى سبعين سنة، اها كان وريتك ما عارفة المرة دى حا يقول على شنو . عشان كدة يا ريت لو واحد ينقذنى من لسانو ويكلمكم عن حنى الكول ولو ما ظهر زول امرى لله يا ود الخطيب ابشر بالحيل و حا اوريك رغما عن سبعينية او قرنية اخونا شوشة
    avatar
    الخبير
    مشرف قسم
    مشرف قسم

    عدد الرسائل : 310
    السكن : الحاج يوسف المايقوما مربع 4
    مكان الاقامة : السعودية ـــ الرياض
    تاريخ التسجيل : 14/11/2007

    رد: سوق 6

    مُساهمة من طرف الخبير في السبت 5 يناير - 22:29

    يابت سوق 6 من اجمل الاسواق على نطاق مدينة الحاج يوسف وبعدبن انا كنت من رواد سوق 6 والله انا يوميا كنت بمشي سوق 6
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 42
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    رد: سوق 6

    مُساهمة من طرف الفاتح أبو شوشة في السبت 5 يناير - 22:38

    حبوبتي بت قضيم
    عفواً ( بت نورين )
    منذ أن قرأت كلمة ( جنى الكول ) التي لم أفهم معناها وأنا لا زلت ابحث عن معنى لها وسألت أخوانا ( قوقل و موسوعة ويكبيديا ) الذين ضرب رأسهم أيضاً من هذه الكلمة ،،، علماً بأني سمعت كلمة ( الكول ) من قبل ولكن المعنى لم يستحضرني واعتقد إنها نوع من أكلات الجماعة ولكن ( جنى بتاعوا دا جديد علينا ) ،،،، والخوف تقولي ( أب شوشة ) سيد الاسم طلع ( حنكوش ) وما عرف ( جنى الكول )
    علماً بأني بعد هذه الكلمة أعتقد عنكِ أعتقاداً جازماً بأنك واحدة من الاتي:
    1. من الحبوبات وعندك فرشة في سوق العجائز في سوق 6
    2. يا انتى صحبتي حبوبة زهرة بياعة أم جنغر في السوق.
    3. يا تكوني من شماشة السوق البشموا السلس والبظهروا بليل.
    4. يا تكوني سواقة تكسي الغرام بين سوق الوحدة ومربع 2
    5. يا تكوني بت قضيم الأصلية ومدلعة نفسك ببت نورين
    واعتقد أن ( جنى الكول ) هو واحد من ثلاث:
    1. يا نوع جديد من الكريمات آخر ستايل.
    2. يا أكلة من وجبات الجنجويد.
    3. يا منتج جديد لشراكتنا المستقبيلة الاستثمارية.
    خالتي بت نورين : بالله من زمان والرومانسيين في بلدنا بغنوا لي ( جنى الباباي ـ ولجنى الوزين ) ،،، وانتى ما لقيتي لينا الا ( جنى الكول ) .
    ولسه بنسأل من ( جنى كول ) دا ــــــــ وأصبح منك خوفه
    ومبروك عليك ود الخطيب ــ وود الخبير.
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 42
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    رد: سوق 6

    مُساهمة من طرف الفاتح أبو شوشة في السبت 12 يناير - 16:33

    كتب الصحفي بصحيفة الوطن : الأستاذ سعيد دمباوي
    المقال أدناه عن سوق 6
    سوق ستة بالحاج يوسف من الأسواق الشعبية المشهورة ـ وهو سوق يباع فيه «الجراد والكول والمرس والكجيك والملابس المستعملة» كما تباع فيه أحدث الأجهزة الإلكترونية وأرقى أنواع العطور والملابس ـ ويرتاده الناس من جميع أنحاء ولاية الخرطوم ـ لأنهم يجدون فيه المعدوم في سوق الخرطوم.
    بالإضافة إلى ما ذكرت ـ يرتاد السوق بعض الذين يبيعون الأدوية البلدية ويمارسون الدجل والشعوذة مع الأدوية البلدية ـ جلست بالقُرب من أحد هؤلاء الدجالين في إنتظار الصحف حيث يعرض بضاعته بالقُرب من إحدى المكتبات ـ وما يعرضه من بضاعة عبارة عن «قطع صغيرة من أشجار مختلفة وأحجام مختلفة ـ لحاء أشجار ملفوفة بطريقة فنية ـ برطمانات بأحجام مختلفة ملىئة بأنواع مختلفة من البودرة ـ علب صغيرة لا يعرف ما بداخلها ـ أدوية مربوطة في أكياس النايلون ـ عدد من الحجابات بأحجام وأعداد مختلفة ـ قلم مصنوع من القصب ودواية» وغيرها.
    قبل أن يبدأ العمل إشترى بعض «الزلابية» أكل بعضها وقسم بعضها على بعض الصبية وهو يقول إنها كرامة «صدقة» ثم مسح يديه بزيت الزلابية الذي تعلق بيديه واستعدل في جلسته ينتظر ضحاياه من الزبائن.
    جاءه أحدهم يسأل إن كان عنده علاج لدغة «أبو الشبش» ويبدو أنه يعمل في مناطق الزراعة وأجابه بالنفي ـ ولكن يبدو أن صاحبنا وجد علاجه عند آخر حيث جلس أمام شخص آخر وإشترى منه بعض الأشياء ـ وآخرون جاءوا يسألون عن «عرق العقرب والدبيب» وكانوا محظوظين.
    سألته إن كان عنده حجابات ضد السلاح الناري «حُب إستطلاع» فأجاب بسرعة بأنه يعرض نوعين من الحجابات المانعة للطلقات النارية ـ وعرضهم على شخصي ـ فأحدهما سبعة حجابات في خيط واحد تم تغليفها وزخرفة غلافها بطريقة جميلة وذكر أن ما بداخل هذه الحجابات «كتابة» هكذا دون تحديد لنوع الكتابة ـ وذكر أن هذه الحجابات لا تؤدي غرضها إلا في حالة أن يكون من يستعملها «طاهراً» وعرض لي حجابات أُخرى مكونة من خمسة حجابات في خيط واحد وهذه بداخلها «عروق» وهذه أيضاً ضد الطلقات النارية ولكنها تؤدي غرضها وتجعل الطلقات النارية «فشنك» ولو كان صاحبه «نجساً»، أما أسعارها فإن ما يستعملها «الطاهرون» أغلى مما يستعملها «الطاهرون والنجوس معاً» وختم حديثه بأن «إسم الله» لا ثمن له وكل ما يدفع من مبالغ ليس هو إلا مجرد «بياض» وأكد أن هذه الحجابات مجرّبة ولا «غش» فيها ـ وتمنيت لو كان عندي سلاح ناري لأجربها فيه كبيان بالعمل..
    ونجد أن «نظرية» الأحجبة هذه إذا «صحت» فإن بلادنا ستكون قد ساهمت مع دول العالم المتقدمة في سباق التسلح ،، أما كاتب هذه السطور فيرى إن «صحت النظرية» أقترح أن يكون من ضمن أسلحتنا سلاح إسمه «سلاح الحجابات والعروق» على أن يكون قائد هذا السلاح ومن يعملون فيه من «كتاب الحجابات» وبذلك يكون الجيش السوداني هو الجيش الوحيد الذي لا يقهر في العالم ـ لأنهم سيقتلون الأعداء ولا يموتون ـ وحتى لا تغزو أمريكا الحاج يوسف بتهمة أن سكانها يقومون «بتخصيب» الحجابات ـ أرى أن يقوم سلاح الحجابات بعمل حجابات ضخمة يتم ربطها على الأقمار الاصطناعية في الأجواء السودانية لمنع دخول الطائرات والصواريخ الأمريكية لبلادنا ـ وعلى الدول المصنعة للأسلحة النووية أن «تبلها وتشرب مويتها» ما دام هناك سلاح الحجابات ـ وأرجو عدم ترويج هذه المسائل حتى لا تحاول أمريكا غزو الحاج يوسف ومايو بتهمة «تخصيب» الحجابات كما ذكرت في غفلة من حجابات الجوّ والأرض.
    avatar
    الخبير
    مشرف قسم
    مشرف قسم

    عدد الرسائل : 310
    السكن : الحاج يوسف المايقوما مربع 4
    مكان الاقامة : السعودية ـــ الرياض
    تاريخ التسجيل : 14/11/2007

    رد: سوق 6

    مُساهمة من طرف الخبير في الأحد 10 فبراير - 23:22

    وينك الأخت بت نورين والله مشتااااااااقين ليك وعاوزين نعرف اخبار سوق 6
    ابوشوشة خلي البت

    بت نورين

    عدد الرسائل : 44
    السكن : الحاج يوسف الردمية مربع 16 محطة جهاد
    مكان الاقامة : السودان
    تاريخ التسجيل : 08/11/2007

    رد: سوق 6

    مُساهمة من طرف بت نورين في الأحد 17 فبراير - 20:06

    الخبير ازيك وكيفك انت وبقية العقد الفريد
    وتسلم والله على سؤالك عنا وانا فى شوق اكثر لملاقاتكم - اصلى كنت فى اجازة سنوية من العمل وعاودت اليوم - وبينى وبينك ابوشوشة خوفنى عديل كدة مربط لى فى كل حاجة بكتبها التقول من الرباطين البجوا لى سوق 6 .
    avatar
    azimdodo

    عدد الرسائل : 3
    السكن : الحاج يوسف المايقوما
    اين درست الإبتدائية : مايو جنوب
    مكان الاقامة : السعودية تبوك
    تاريخ التسجيل : 06/05/2008

    رد: سوق 6

    مُساهمة من طرف azimdodo في الأربعاء 7 مايو - 3:07

    احلي ام جنقر في احلي سوق 6 affraid

      الوقت/التاريخ الآن هو السبت 18 نوفمبر - 8:42