آخر خبرية 9

    شاطر
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 42
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    آخر خبرية 9

    مُساهمة من طرف الفاتح أبو شوشة في الخميس 3 يناير - 15:05

    الجزء الثاني : من زواج مغترب ـــــ
    المغترب : ألو ... خلاص يا حاجة ما تزعلي ، وأنا ما غيرت رأي بس عليك الله ما تزعلي عشان الضغط ما يرتفع عليك وأنا الإجازة قربت ،،، أها طلباتكم شنو يا حاجة عشان أجيبها معاي.

    الحاجة : الو ... أها طلباتنا يا ولدي أنت عارف أخواتك الخمسة عاوزين كسوة كاملة ملابس سنة مع فساتين الحفلة أهم شيء ،،، وكمان أنا أم العريس عاوزة 3 تياب تكون آخر موديل عشان اتبوبر بيهم قدام خالتك محاسن وجاراتي كمان ، وعشان يوم العرس أمغص أهل أبوك الكرها ديل ،،، وكمان شبطين وأهم شيء عاوزة سلسل دهب حلبي طولوا 3 متر وأقل من كدا ما عاوزاو وكمان جوال أب كمرتين !!! واسمع يا ولدي برضوا كسوة أخوانك كلهم طبعاً قالوا عاوزين شنطة لحالهم وكل واحد قال عاوز جوال أخر موديل ،،، وبنات أخواتك ديل قالوا حيتصلوا عليك ويوروك طلباتهم !!!! وكمان رجال أخواتك الاثنين المقطعين ديل كل واحد قال عاوز جوال أخر موديل !!!! وما تنسى مصاريف جامعة ناصر وابتهال برضوا الاقساط حلت عليهم !!!! وكمبيوتر ناصر كمان !!! وخد الحاج كمان شوفوا عاوز شنو !!!!

    الحاج : ألو يا ولد ما تسمع كلام الحاجة الخرفانة دي ،،، اشتري شيلتك وجهز أغراضك وتعال وأنحنا هنا بنمشي حالنا بالموجود و... فكي السماعة يا حاجة خليني اتكلم!!

    الحاجة : الو والله ما تجيب لينا طلباتنا دي ما في ليك أي عرس ،،، انحنا ربيناك وقريناك وسفرناك وبعد دا الحجات البسيطة دي ما تجيبة لينا ،،، سمعت ولا لا .
    المغترب : خلاص يا حاجة حاجيب طلباتكم !! بس خلوني سنتين ثاني عشان اشتغل وأقدر أجمع فلوس لطلباتكم دي !!!

    ونتواصل في الحلقة القادمة

    أبو عبدالله

    عدد الرسائل : 6
    العمر : 41
    السكن : مربع 9
    مكان الاقامة : الرياض ـ السعودية
    تاريخ التسجيل : 08/11/2007

    رد: آخر خبرية 9

    مُساهمة من طرف أبو عبدالله في الخميس 3 يناير - 16:03

    الجزء الثالث :
    الحاجة تتصل: ياولد وين قاطع الأخبار.
    المغترب: والله يا حاجة شغال دوامين عشان أوفر لي حبة قروش أقدر أتم بيها الشيلة دي وأقبل على طلباتكم .
    الحاجة: يا ولد انتا داير تجيب لينا الفضيحة ولا شنو وشي مضروب قدام خالتك وعماتك كلهم بسالوني ولدك حيعرس متين.
    المغترب: يأ حاجة يعني أنا أعمل شنو أتقطع يعني.
    الحاجة : على العموم أنا وأخوانك وأخواتك قررنا أنو عرسك ده يكون بعد شهرين أعمل حسابك على هذا الأساس.
    المغترب:يا حاجة بس أنا ما جاهز.
    الحاجة: كيف ما جاهز مغترب ليك ( 4 ) سنين وتقول لي ما جاهز ( يعني قروشك دي بتوديها وين؟ ).
    المغترب: يا حاجة قلتليك مليون مرة السؤال دة برفع لي كثافتي.
    ( المغترب بجتمع مع زميله المغترب بالسكن لمناقشة الأحداث الأخيرة عقب إتصال الحاجة )
    نواصل في الحلقة القادمة

      الوقت/التاريخ الآن هو الأحد 24 سبتمبر - 7:23