خبيركو

    شاطر
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 43
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    خبيركو

    مُساهمة من طرف الفاتح أبو شوشة في الأحد 6 يناير - 16:50

    عمنا الخبير :
    يا أخوي الحاصل شنو من صباح الله ماسك المنتدى على حسابك،،، شنو الحاصل عليك ،،، أكيد أنت واحد من الاتي:
    1. طردوك من العمل وبقيت عاطل ،،، قلت أفك زعلتي في الشباب.
    2. بقيت تكتب في كل المواضيع ـ طمعان في جائزة أبو مؤيد.
    3. خرفت وبقيت تكلم برة من راسك.
    4. عاوز أبو مؤيد يبقيك مشرف على نفسك.
    5. غشوك قالوا ليك فريق الكفوة حيشيل الدوري الممتاز في 2008

    وأنا خفت قلت الخبير جن وفقد المحنة وبقى يتكلم برة من راسو ـ بس دا من العليك والله يستر عليك ـ وكمان ما معقولة في يوم واحد تكتب عن الاتي:
    1. عن كل قبائل السودان.
    2. عن كل الخضار والفواكة ـ بس نسيت الفول والدكوة.
    3. وبقيت طباخ ـ الشيف الخبير يحييكم ويتمنى لكم أكلة وموته هنئة.
    4. شردت الجماعة بتاعين التعارف وبقيت تسلم على البتعرفوا والما بتعرفوا .
    5. وأغرب شيء دخلت في برامج الكمبيوتر واللغة الانجليزية ، والله يستر.
    6. وعن الفنانة فاتن كمان ـ

    * بس نسيت اليوم ـ ما سلمت على لاعبكم الجديد عبد الزهرة،،، وعلى على اختنا ( بت نورين ).
    * يا أخوي ورينا الحاصل عليك شنو ـ وندعو لك بالشفاء العاجل
    avatar
    الخبير
    مشرف قسم
    مشرف قسم

    عدد الرسائل : 310
    السكن : الحاج يوسف المايقوما مربع 4
    مكان الاقامة : السعودية ـــ الرياض
    تاريخ التسجيل : 14/11/2007

    رد: خبيركو

    مُساهمة من طرف الخبير في الأحد 6 يناير - 23:34

    الفاتح أبو شوشة والله خليها على الله بس
    شايفك انت برضو الصباح موجود وياريت تاني لمن نتقابل في المنتدى نمشي غرفة الدردشه
    avatar
    الخبير
    مشرف قسم
    مشرف قسم

    عدد الرسائل : 310
    السكن : الحاج يوسف المايقوما مربع 4
    مكان الاقامة : السعودية ـــ الرياض
    تاريخ التسجيل : 14/11/2007

    رد: خبيركو

    مُساهمة من طرف الخبير في الأحد 6 يناير - 23:38

    الفاتح أبوشوشة ياعارض ايه رايك كل يوم زي ده
    avatar
    ام مؤيد

    عدد الرسائل : 49
    تاريخ التسجيل : 25/10/2007

    رد: خبيركو

    مُساهمة من طرف ام مؤيد في الإثنين 7 يناير - 0:02

    معتصم ( ود الصابون ) كيف حالك اكيد ابو شوشة لسه ما جاه الخبر انك بقيت مشرف ( تم تعين ود بالصابون بالواسطه مشرف) .. اولاً يا ابوشوشة الواسطة كانت قوية ( مؤمن) وتاني شئ ود حلتنا . وبي صراحة كدا انا زاتى ما مصدقة انو معتصم بقى مثقف كدا طول اليوم بالنت وكمان بقى زى معتصم الكوتش فى كل شئ عندو راي
    avatar
    الخبير
    مشرف قسم
    مشرف قسم

    عدد الرسائل : 310
    السكن : الحاج يوسف المايقوما مربع 4
    مكان الاقامة : السعودية ـــ الرياض
    تاريخ التسجيل : 14/11/2007

    رد: خبيركو

    مُساهمة من طرف الخبير في الإثنين 7 يناير - 0:09

    ام مؤيد انا عارفك كل يوم قاعده تحنسي في أبو مؤيد عشان تكوني مشرفه ( الخبر العندي قال ليك مافي طريقة )
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 43
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    رد: خبيركو

    مُساهمة من طرف الفاتح أبو شوشة في الإثنين 7 يناير - 1:17

    أخبير المايقوما : خبير القبائل والحسب والنسب وأهل الكفوة
    * مبروك الإشراف وعقبال الوزارة.
    * يعني تأني لو أنت ( قلت الهلال لا سيد البلد ولا الزعيم ) ما نرد عليك ونقول كلامك صح.
    * ولو واصلت في ( الخرف البتكتبو ) بتاع الملوخية والتقلية ، نقول ايوة مشرفنا الشيف الخبير الخطير بوصف لينا في عمل المكرونة بالبشميل والكريمل.
    * لو واصلت في الكلام الما مفهوم بتاع الشعر والخواطر والروايات والقصيرة البتكتبو ، نقول ايوة الخبير بقى أحسن من نجيب محفوط وبعد ستين حياخذ جائزة نوبل للآداب.

    وخذ رأي أنت وواسطتك المؤمن بدين الله:
    1. لا مهادنه ولا سلام ولا استسلام مع مشرف الكفوة وأهل الكفوة ،،،، و هلالنا قيادة وريادة وزعامة.
    2. حأطلب من ود الخطيب وتيسيري يرحلوا المايقوما ـ ويشجعوا الكفاح كمان ـ عشان يلقوا واسطة قوية.
    * نصيحة من أخوك الصغير ـ خليك تقيل وهادي ورزين زي أبو مؤيد وحاج مؤمن ـ يعني تشرف وما تبرانا بكلامك دا،،،، ومبروك الاشراف لو تأني ما حتكتب في جميع المواضيع.
    * أم مؤيد : ما عليك البدأ بالواسطة حينطرد بواسطة ،،،،، ودي دعوة منى ليك عشان ننشق من ( منتدى الواسطات ) ونعمل منتدى يكون الاشراف فيه بدون محسوبية وواسطة.
    وجماعة الامتداد ليهم الله ،،،،،
    ولن نذل ولن نهان ولن نطيع الأمريكان
    avatar
    MOAMEN
    مشرف
    مشرف

    عدد الرسائل : 131
    السكن : مربع 3
    مكان الاقامة : السعودية - الرياض
    تاريخ التسجيل : 24/10/2007

    رد: خبيركو

    مُساهمة من طرف MOAMEN في الإثنين 7 يناير - 1:52

    الغالى الفاتح ابوشوشة
    الأخ معتصم الخبير
    بكل الصدق أعجبنى طرحكم وتميزكم فى المناكفة العفوية وتداخلات أم مؤيد
    والتى أَضفت على ذلك بعض الهدؤ الجذاب فى نار الفتنة ،، بالغت يا أبو مؤيد
    هى أم مؤيد دى بتعرف ( معتصم الكوتش ) دا من وين يادووب تكون عرفت
    فريق النهضة فى المنتدى خليك من الكفاح والسلام
    المهم يا شباب اتمنى التواصل بنفس الروح ( الشرسة ) فى الندية فى التناول
    حتى تضغى على حروفنا شئيًأ من اللهفة فى التعاطى ،،،
    وياريت الجميع يشاركوا ببعض المداخلات لكسب مزيد من التعارف بين الأعضاء
    وبنفس روح المحبة وألق الأشواق ونسيج الأخوة المشهورة به المنطقة
    يكون لقانا كل يوم ويا أخونا الخبير انت كان ( عاطل ) على قول أخونا الفاتح
    نحن بنكوس ليك شغل فى الرياض ما تشيل هم ،،، المهم ياريت تكتب يوماتى
    ولا يهمك فى الطبيخ فى الفن فى الرياضة فى كل شئ نحن نحترمك ونحترم حروفك
    وانا عن ثقة أن الأخ الفاتح ابو شوشة يكن لك كل التقدير والاحترام ،، احتمال شوية
    حكاية الكورة عاملة حساسية لكن بالطبع يبقى بيننا كل الود والتقدير ،،،
    دمتم بكل خير هلالنا مريخنا سوداننا والجميع بخير وصحة وعافية
    أخوكم مؤمن
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 43
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    رد: خبيركو

    مُساهمة من طرف الفاتح أبو شوشة في الإثنين 7 يناير - 15:26

    الأعزاء : مشرفين المنتدى
    السابقين والجدد بتاعين الواسطة
    طبعاً طلبت من الأخت ( أم مؤيد ) الانسلاخ والانشقاق عن منتدى الواسطات ،، وتكوين منتدى جديد بدون محسوبيات وواسطات ،،، وسوف نصدر بيان شجب وإدانة موجة لزعيم المنتدى ( السيد أبو مؤيد ) ولجماهير المنتدى ،،، منددين بالممارسات الغير ديمقراطية التي تمارس داخل المنتدى.
    نص البيان : الأعزاء رواد المنتدى الصابرين القابضين على جمر القضية،،، تلاحظون منذ إنشاء هذا المنتدى الممارسات التالية:
    1. قيام ( السيد نائب رئيس الحزب ) عفواً المشرف (مؤمن ) بالعديد من الممارسات الغير ديمقراطية .
    2. تعيينه الأقرباء والموالين له في أشراف المنتدى.
    3. إصدار القرارات بأسم المنتدى دون مشاورة الأعضاء.
    4. تعيينه لزعيم أهل الكفوة بالمنتدى ( أخونا الشيف خبيركو ) ،،، واعتراضنا عليه فقط لانه زعيم أهل الكفوة ـ وسوف يصدرّ الروح الانهزامية ( لفريقة الكفوة ) لمشرفي المنتدى.
    5. وإننا لنشجب وندين مثل هذه الممارسات ـ ونطلب منكم سيدي الرئيس التدخل ووقف هذه الأفعال الداخلية على حزبنا الديمقراطي.
    وفي حال عدم قيام رئيس الحزب بالتدخل ووقف هذه الأعمال، وبعد التشاور مع عضوية الحزب سوف نقوم بالاتي:
    * طلب عقد الجمعية العمومية للحزب لانتخاب رئيس ومشرفين جدد.
    * أو تكوين ( حزب جديد ) عفواً منتدي جديد : باسم ( منتدى شباب الحاج يوسف الإصلاح والتجديد ).
    ونرجو من الجميع تفهم الدواعي التي أدت لإصدارنا مثل هذا البيان . أنتهى
    ــــــــــــــــــــــــــــ
    رسائل خاصة:
    * خبيركو : ممكن أقبل رشوة وما أصّعد الموضوع لو قمت بالاتي:
    1. التحول من تشجيع فريق الكفوة لتشجيع سيد البلد.
    2. الرحيل من المايقوما للأمتداد، أو الكرتون ما في مشكلة.
    3. عدم الكتابة عن الطبيخ والعلاج ،،، وتكتب فقط في المنتدى الديني.
    ــــــــــــــــــــــــــــــــ
    * المؤمن بدين الله : هذه مناكفة فقط ،،،، والاحترام والتقدير هو ما يجمعنا في هذا المنتدى ،،، وأشكر لكم مجهودكم للرقيّ بالمنتدى ،،، وسعيد بالتواصل معكم.
    ــــــــــــــــــــــــــــــــ
    * الاخت أم مؤيد : لا سلام ولا استلام و مهادنة مع الجماعة ،، ومضمون لك منصب نائب رئيس المنتدي الجديد ،،، وأرجو تبليغي بأي إجتماعات أو قرارات سرية للجماعة.


    عدل سابقا من قبل في الثلاثاء 8 يناير - 0:15 عدل 1 مرات
    avatar
    الخبير
    مشرف قسم
    مشرف قسم

    عدد الرسائل : 310
    السكن : الحاج يوسف المايقوما مربع 4
    مكان الاقامة : السعودية ـــ الرياض
    تاريخ التسجيل : 14/11/2007

    رد: خبيركو

    مُساهمة من طرف الخبير في الإثنين 7 يناير - 17:14

    الفاتح أبوشوشة

    مطلوب القبض عليك من إدارة المنتدى
    جإزة لمن يدلي بمعلومات عن موقع الإرهابي الخاص بالمنتدى الفاتح شوشة مطلوب القبض عليه للآتي :
    1. له مني كل التحية والتقدير ( عبارة عن رشوة )
    2. أنسان مجتهد بكل صدق وامانة ونتمنا له التقدم والتوفيق 0
    3. لك مساهمات كثتر في المنتدى 0
    4. أنسان راقي ورائع0
    5. بس عيبك الوحيد أنك من أهل الزريبة

      الوقت/التاريخ الآن هو الجمعة 15 ديسمبر - 18:19