آخر خبرية 15

    شاطر
    avatar
    الفاتح أبو شوشة
    عضو مميز
    عضو مميز

    عدد الرسائل : 197
    العمر : 43
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    آخر خبرية 15

    مُساهمة من طرف الفاتح أبو شوشة في الإثنين 21 يناير - 15:38

    كعادتي وأنا أشرب القهوة عصراً في جو ممطر ( قهوة أصلية مش تقليد زي قهوة حسن أوبة البتظهر يوم وتختفي شهر ) وأنا جالس على جهاز الكمبيوتر وبجواري ( زوجتي ) أيدها الله بالصحة والقوة والسلطة واليدّ القوية !!!! تطلعّ معي على مواضيع منتدى الحاج يوسف وعندما فتحت مواضيع ( آخر خبرية ) وبدأت تقرأ في سلسلة ( آخر خبرية ) ،،، نظرت إليها فوجدت الغضب بأدياً على وجهها وأنا وحدي الذي أعرف ماذا سوف يحصل عندما تغضب ( زوجتي ) !!!! وبحركة لا شعورية وضعت يدي على قفا راسي متحسساً الموقع الذي تنزل به يدها الغليظة عندما تكون غاضبة !!!!
    ولمعرفتي بأن خير وسيلة للدفاع هي الهجوم قلت لها وأنا ارتجف هلعاً:
    ــ أنظري لهذا الشخص الذي أسمه يشابه أسمي ( الفاتح ) ،،،، والحمد لله أن ( زوجتي ) لا تعرف أن ( أبو شوشة ) هو الجد 19 لأسرتي قبل الميلاد وأن أصلنا فرعوني ،،، يعني حلب عديل كدا ــ
    ــ أنظري يا زوجتي العزيزة لهذه الكتابات السخيفة ولماذا يتكلم المدعو الفاتح أبو شوشة بهذه الطريقة عن الزوجات إنه مجنون حتماً ـــ.
    فقالت لي وهي غضبانة مزمجرة :
    * مش قلت ليك أيّ حد أسمو زي أسمك ( الفاتح ) لا تأتي منه إلا المصائب،،، الله يفتح راسك وراسو!!!!!!!
    * يا رب بس أحصل الراجل المجنون دا ( الفاتح أبو شوشة ) عشان أطبق على زمارة رقبتو وأوريهوا العمرو ما شافوا قبل كدا.
    * دا أكيد واحد يا عندو نقص يا أنفصام في الشخصية ،،، وتعرف مشكلتوا شنو أكيد ما قادر يتزوج للآن ـ عشان كدا بهاجم الزوجات وبحرض الأزواج.
    * يا ربي (الهي وانت جاهي ) الراجل المخرف دا تعرس لية واحدة تكون مجنونة جن ( كلكي ) عشان تطير ليه الجن الفي راسو.
    * يا ربي (الهي وأنت جاهي ) تسفروا دارفور عشان الجنجويد يوروهوا الشغل الما بعرفوا،،، وبعد ما يخلص منه الجنجويد !!! يشرد منهم ويسكن في معسكر ( كلمة ) للنازحين !!! ومن هناك يهرب لتشاد !!! عشان يجوا الفرنسيين يخطفوا ويبقوهوا رقيق في فرنسا !!! ولو الفرنسيين ما قدروا يخطفوا !!! يسافر مصر ومن هناك يحاول يهرب لإسرائيل !!! وفي الحدود الإسرائيلية يلقى عسكري مصري أعور يصيبه بطلقة في كعبوره راسو ويموت فطيس إن شاء الله .
    * يا ربي (الـــهي وأنت جاهي ) ...........
    وأنا جالساً بجوارها اتصبب عرقاً وأقول في سري ( اللهم لا تستجب لدعائها ).
    ولا زالت ( زوجتي ) إلى الآن تكيل الشتائم وأفظع اللعنات والدعوات للمدعو الفاتح أبو شوشة كاتب سلسلة ( آخر خبرية )،،،، ولا زال دعائها مستمراً ................
    شباب قولوا خلفي (اللهم لا تستجب لدعائها )!!!!!!!!!!!!!!!!!!!!
    شباب رجاء خاص !! لمن يعرف زوجتي عدم الاتصال عليها وأخبارها من هو ( الفاتح أبو شوشة ) وذلك حفاظاً على حياتي!!!!!!!!!!!!!!!!!!!
    avatar
    ودالردمية

    عدد الرسائل : 54
    العمر : 30
    السكن : الحاج يوسف الردمية
    اين درست الإبتدائية : النور +الامام المهدي
    مكان الاقامة : الحاج يوسف الردمية مربع 16 محطة نقزو
    تاريخ التسجيل : 24/12/2007

    رد: آخر خبرية 15

    مُساهمة من طرف ودالردمية في الإثنين 21 يناير - 23:57

    لوكن عارفين كدة من زمان كنا اتصلنا بيها من زمااااااااااااااااااااااااااااان عشان نرتاح من الدش النازل فينا دة
    ما تخاف انا بهاظر واعمل حسابك وشوف ليك حاجة لي رقبتك
    وتحية لك يا المبدع الفنان
    ممكن طلب صغيرون موضوع جامد عن المنتخب قبل المبارة
    وسلامي لك وللمدام وياريت تخليها تشاركنا ونعرف انتمائها الرياضي واوع تكون من انصار الزريبة

      الوقت/التاريخ الآن هو الخميس 23 نوفمبر - 4:12