منتدي مدينة الحاج يوسف

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

    آخر خبرية 16

    الفاتح أبو شوشة
    الفاتح أبو شوشة
    عضو مميز
    عضو مميز


    عدد الرسائل : 197
    العمر : 47
    السكن : الحاج يوسف مربع 2
    اين درست الإبتدائية : الفاروق ـ مربع 10
    مكان الاقامة : السعودية الخبر
    تاريخ التسجيل : 30/11/2007

    آخر خبرية 16 Empty آخر خبرية 16

    مُساهمة من طرف الفاتح أبو شوشة الأربعاء 23 يناير - 16:16

    شكراً لجميع الشباب بالمنتدي للوقوف معي وعدم اتصالهم ( بزوجتي الغليظة ـ عفواً العزيزة ) ولا زالت هي تبحث عن المدعو ( الفاتح أبو شوشة ) !!!!!!!!
    وبعد مرور عدة أيام ولا زالت الشتائم واللعنات الموجهة لأبو شوشة تطلقها سريعة وقصيرة الطلقات وفي كل وقت أقوى من موجة الإذاعات الموجّهة و محطات الـ A M و الـ FM كمان!!!!!!!!
    قلت لها وأنا جالس أتطلع للمنتدى تعالي يا ( زوجتي العزيزة ) ودعي ( الفاتح أبو شوشة ) و ( آخر خبرية بمواضيعها الزبالة ) وتعالي شوفي هذا الشخص الماعندو موضوع الإسموا ( الخبير ) البكتب في الطبيخ والصيدلة والرياضة والروايات والقصص القصيرة وفي ركن الأطفال وحواء المدينة والقبائل السودانية والأمريكية وكمان في نكات المساطيل الما بضحك ليها إلا ( ولد الردمية ) !!!! ولمن ما يلقى موضوع بجلس يرحب في الداخل والطالع من المنتدى!!!! وكمان دخل اليومين ديل في الطرب والغناء ( الله يستر علينا ) !!!
    وتابعت القول لها: ( خبيركو ) معذور يا ( عزيزتي ) دا ما منو !! دا من العليهو و الكفوة الضاربة فريقة المتريخ ليها كم سنة !!!! والوصافة الاتعودوا عليها جماعة الحصوة 5 سنوات ( و متعودة داااائماً )
    وبعد عدة دقائق ناظرت فيها على مواضيع ( خبيركو ) قالت لي :
    * دا مفترض تسموا ( دكان ود الخبير ) عشان عندو كل شيء في الدكان بتاعو من الصلصة لي برامج الكمبيوتر.
    * وتابعت قائلة مفترض هو وود الردمية وسم سم بدل ما يشجعوا الفريق ( الخيخة دا ) !!!! أحسن يشجعوا ( مريخ كادوقلي ) عشان هو ما خذ الدوري في جنوب كردفان أخر سنتين !!!! ولا اقولك أحسن يسموا فريقهم بدل المتريخ ( فريق العارضة جنوب ) عشان النحس الراكبهم يفكهم شوية !!!!!!!! وتعجبت غاية العجب من ثقافة ( زوجتي ) الكروية ،،،، والله يستر علي ( الخبير وود الردمية وسم سم ) من ( أم محمد ) !!!!!!!!
    * وتابعت قائلة : هولاء شباب بشجعوا فريق السجم والرماد والخموم والرموم والساحق والماحق !!!! إنهم بشجعوا فريق بقولوا عليه ( مرمي الله الما بترفع ) ،،،، ولو كان رئيسهم الوالي سجل حبوباتي ( حبوبة كلتوم وحبوبة السرة وحبوبة التاية وحبوبة بت البشير وبت قضيم،،، وممكن الحارس يكون ود الردمية ) ضمان 100% يأخذوا الدوري الممتاز هذا الموسم !!!!!!!!!!!!
    * * * شباب ( خبيروف وود الردمية وسم سم ) ووووووووب عليكم من لسانها و تعليقاتها !!!!!!! وقلبي معاكم.
    [justify]

      الوقت/التاريخ الآن هو الأربعاء 1 ديسمبر - 1:51