سلامات شباب

ملحوظة :
ارقام الناس ديل مذكور في المنتدى نأمل الجدية والاهتمام لتطوير منتدى مدينة الحاج يوسف نأمل من الجميع المساهمة في أسرع وقت ممكن 0
شباب والله محتاجين تطوير الموقع في أسرع وقت ممكن يعني لازم نساهم كلنا في الموضوع بتاع تطوير المنتدى عاوزين نرفع اسم الحاج يوسف فووووووووووق [/b]

عموما معليش على الفرديه لاكن المهم ده الحصل و نبدى من اليوم و ذى ما قال الخبير عاوزين جديه الحكايه دى لوا اى واحد داير يشارك ما ينتظر واحد يجى يدق ليهوا الباب و ما يقراء الكلام الفى المنتدى و يقول خلاص بكره ولا بعدوا حا اعمل و حا اسوى . انا بقترح لوا فى واحد ممكن يعمل البرنامج بتاع المدونه (الاسكربت) و واحد يجيب لينا سعر الاستضافة و نساهم كلنا فى الموضوع ده , كمان يا ابو مؤيد بقترح فتح منتدى جديد و تسميهوا المتبرعين لتطوير الحاج يوسف للمساهمات الذى دى. و كل واحد عاوز يتبرع يسجل الاسم و العنوان و رقم التلفون عشان الموضوع ده ما يبقى كلام ساكت بعدين انا على حسب علمى الموضوع ده بتاع 5 ال10 دولار بالكتير من كل واحد اذا نحن 10 اشخاص فقط . عشان الحاج يوسف تكون على الانترنت تستاهل انوا نهتم شويه خاصه و لوا كل واحد فيكم تذكر الايام الحلوة و الاصحاب و قعدة الشارع و التك تيك . انا عندى اقتراح تانى:
انوا اى واحد من المغتربين يتبرع بجهاز كمبيوتر و نفتح بيها محلات انترنت فى كل المناطق و المربعات وتكون رخيصه السعر و العايد يكون:
1. الاسهام فى تعليم الكمبيوتر و الانترنت
2. زيادة المشاركين و الاعضاء فى المدونات
3. الاسهم فى تشغيل اخواتنا فى الحاج يوسف
4. المحاوله فى مسح امية الانترنت
العايد يكون للايجار و المرتب بتاع الموظفه وممكن باسم المنتدى نلقى شوية تسهيلات من المحليه بخصوص الرخصة و البلديه و الكلام المن النوع ده. عفوا يا شباب لوا لاكمى ده فارغ بس الواحد يونس معاكم بصوت عالى.