منتدي مدينة الحاج يوسف

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

    كيف مر علينا عيد الفلنتاين

    ولد الاشلاق
    ولد الاشلاق

    عدد الرسائل : 12
    العمر : 46
    السكن : الفيحاء
    اين درست الإبتدائية : مدرسة مايو جنوب (الفاروق) او تاج السر
    مكان الاقامة : السعودية
    تاريخ التسجيل : 09/01/2008

    كيف مر علينا عيد الفلنتاين Empty كيف مر علينا عيد الفلنتاين

    مُساهمة من طرف ولد الاشلاق الثلاثاء 19 فبراير - 22:33

    من الصباح الواحد ما متذكر اي حاجة !!!
    مشيت الدوام وشايل هموم الدوام والروتين اليوميي الممل!
    في الدوام ذكرني واحد بالصدفة انو اليوم عيد الفلانتاين ؟
    قلت كويس الواحد يغير جو للحاجة (ام العيال) في البيت .
    بعد الدوام مشيت السوق دورت على ورد احمر ما حصلت الا اي ورد طبيعي !
    لكن اخوكم كان مفتح مشيت ابو ريالين اشتريت وورد بتاع الاناتيك اهو يقضي الغرض ؟؟؟؟؟
    وجيت البيت ديستو في الصالون تحت الكنبة عشان الواحد بالليل يعملو مفاجئة للحاجة (ام العيال) ؟؟؟؟
    بعد العشاء كنت ناسي انو اليوم كان الخميس وكان الدور علي في الحريق انو كل الجماعة بيجو عندي البيت عشان نودر الحريق ؟
    قلت ماشي بعد الساعة 12 الناس بتمشي لسه في وقت نحتفل بيهو بالعيد ؟؟؟؟
    الساعة 12 ونص وانا بوصل واحد من العزابة لبيتم مسكتني الدورية قال انا قطعت اشارة
    وبعد تحانيس وتلفونات ووساطات فوكني وكانت الساعة الوقت داك 2 ونص
    رجعت البيت وكلي امل في مواصلت افكاري والاحتفال بعيد الفلانتاين ؟
    وانا بفتح في الباب لقيت بنتي الصغيرة ماسكة والورد وقطعتو كلو صار زي مناديل والورق
    ما ينفع الا يتعمل ملاح خدرة ؟؟؟؟؟؟؟؟؟؟؟؟؟؟؟؟؟؟؟؟؟؟
    ولقيت الحاجة نايمة ؟؟؟؟؟؟؟؟؟؟؟؟؟؟؟؟؟
    قلت في نفسي نحنا المسلمين كل ايام السنة اعياد حب يتعوض يوم تاني ونمت ؟؟؟؟؟؟؟؟؟؟؟؟؟
    sunny sunny sunny

      الوقت/التاريخ الآن هو السبت 16 أكتوبر - 23:54