الرئيسية
زواج مغترب ،،،،
هذه قصة مغترب راجع السودان إجازة للزواج،،،،
أتصل المغترب بأسرته هاتفياً ـ معلناً لهم قدومه للزواج وإكمال نصف دينه:
المغترب : ألو ،،، كيف الأخبار يا حاج أبشرك أنا جاي أتزوج حسب وصيتك وحأصلكم قريب.
الوالد : ألف مبروك يا ولدي ـ أيوة فرحنا بيك وارفع رأسنا أنحنا أمنيتنا في الدنيا تشوفك في بيت العدل ونشوف جناك،،،، أيوة يا ولدي ... لحظة لحظة كلم الحاجة معك ،،،
الحاجة: ألو مبروك يا ولدي ـ وبيت مال وعيال إن شاء الله ،،، وبركة العشنا أنا والحاج لأمن حضرنا عرسك ونشوفك مع جناك كمان ـ والعروسة جاهزة علوية بت خالتك محاسن وما تسمع كلام الحاج دا بنات عمك ديل نقتهم كثيرة وأمهاتهم صعبات خلاص وانحنا ما بندور المشاكل وديل ناس انحنا ما بنقدر عليهم... الحاج : ها المرة دي خلي سيرة الناس والكلام الأعوج ـ الولد دا يجي ويختار براهو ،،،
الحاجة : هوي يا حاج الكلام الملولو دا ما عاوزينو وأنا لمن ولدي دا حججني دعيت في الكعبة بعد صلاة الصبح أنو يجي يعرس علوية بت خالتو ،،، وهي طبية وهدية ورضية وأنا حالفة قسم ولدي دا ما يعرس من بنات اخواتك الكعبات ديل ،،، الراكبات رجلينهم 24 ساعة حايمات في الحفلات والمسخرة ، وهم لا خلقة لا أخلاق والله .....
المغترب: ألو يا حاج يا حاجة الو ألو أنتو معاي
الحاجة : أيوة معاك وبت خالتك منتظراك زي اتفاقنا انا وانت لمن جيتك في الحج السنة الفات وما تسمع كلام الحاج المطرطش دا
المغترب : خلاص يا حاجة ما تزعلي ، وانا ما غيرت رأي بس أنت ما تزعلي عشان الضغط ما يرتفع عليك وأنا قريب معاكم ،،، أها طلباتكم شنو يا حاجة عشان أجيبها معاي.
الحاجة : أها طلباتنا...............
ونتواصل في الحلقة القادمة
هذه قصة مغترب راجع السودان إجازة للزواج،،،،
أتصل المغترب بأسرته هاتفياً ـ معلناً لهم قدومه للزواج وإكمال نصف دينه:
المغترب : ألو ،،، كيف الأخبار يا حاج أبشرك أنا جاي أتزوج حسب وصيتك وحأصلكم قريب.
الوالد : ألف مبروك يا ولدي ـ أيوة فرحنا بيك وارفع رأسنا أنحنا أمنيتنا في الدنيا تشوفك في بيت العدل ونشوف جناك،،،، أيوة يا ولدي ... لحظة لحظة كلم الحاجة معك ،،،
الحاجة: ألو مبروك يا ولدي ـ وبيت مال وعيال إن شاء الله ،،، وبركة العشنا أنا والحاج لأمن حضرنا عرسك ونشوفك مع جناك كمان ـ والعروسة جاهزة علوية بت خالتك محاسن وما تسمع كلام الحاج دا بنات عمك ديل نقتهم كثيرة وأمهاتهم صعبات خلاص وانحنا ما بندور المشاكل وديل ناس انحنا ما بنقدر عليهم... الحاج : ها المرة دي خلي سيرة الناس والكلام الأعوج ـ الولد دا يجي ويختار براهو ،،،
الحاجة : هوي يا حاج الكلام الملولو دا ما عاوزينو وأنا لمن ولدي دا حججني دعيت في الكعبة بعد صلاة الصبح أنو يجي يعرس علوية بت خالتو ،،، وهي طبية وهدية ورضية وأنا حالفة قسم ولدي دا ما يعرس من بنات اخواتك الكعبات ديل ،،، الراكبات رجلينهم 24 ساعة حايمات في الحفلات والمسخرة ، وهم لا خلقة لا أخلاق والله .....
المغترب: ألو يا حاج يا حاجة الو ألو أنتو معاي
الحاجة : أيوة معاك وبت خالتك منتظراك زي اتفاقنا انا وانت لمن جيتك في الحج السنة الفات وما تسمع كلام الحاج المطرطش دا
المغترب : خلاص يا حاجة ما تزعلي ، وانا ما غيرت رأي بس أنت ما تزعلي عشان الضغط ما يرتفع عليك وأنا قريب معاكم ،،، أها طلباتكم شنو يا حاجة عشان أجيبها معاي.
الحاجة : أها طلباتنا...............
ونتواصل في الحلقة القادمة
